تحديث للعبة Destiny يلغي خطأ تقني يستغلونه بعض اللاعبين لصالحهم

لعبة ديستني فيها ثغرات كثيرة تساعدك على انك تلقى اسلحة او دروع قوية ترفع مستواك، اجدد الخدع اللي الناس كانوا يسووها هي انهم يفتحوا صندوق معين اسمه Ether Chest عدة مرات وهو المفترض انك تفتحه مرة واحدة، وهذا الصندوق احيانا يعطيك مفتاح مهم اسمه تريجر كي (Treasure Key).

الطريقة كانت ان اللاعبين يفتحون الصندوق اول مرة، وبعدها يروحون منطقة بعيدة و يرجعون ثاني نفس المنطقة، لما يرجع اي لاعب اللعبة تحسبه لاعب جديد ويقدر يفتح الصندوق مرة ثانية وهكذا.
امس اصدر المطور بنجي (Bungie) تحديث رقم 1.2.0.2 و هذا التحديث راح يسمح لك انك تفتح الصندوق مرة واحدة فقط حتى لو رحت اي مكان، لكن الشيء الجميل انهم راح يضمنوا لك مفتاح تريجر كي في كل اسبوع اذا سويت مهمة الكوين الخاصة بالصندوق، وايضا احتمالية ان يطلع لك مفتاح زادت بشكل كبير سواء من اللعب في العالم المفتوح او من انهائك لمهمات Prison of Elders.
ايضا الصناديق ماعاد راح تطفشك وتعطيك ذخيرة ماتحتاجها، راح تعطيك الصناديق اشياء خاصة بPrison of Elders فقط.
التحديث هذا كان متوقع وشيء جميل انهم راح يضمنوا لنا المفتاح كل اسبوع، احيانا الواحد يجلس ساعات الين يلقى مفتاح لكن الان ممكن يجلس اقل.
لمزيد من المعلومات ... اضغط هنا

Game advertisements by Game Advertising Online require iframes.