Warhammer Online: Age of Reckoning لعبة حربية مشهورة

لعبة Warhammer Online: Age of Reckoning بتقدم نظام ال Realm Vs Realm والنظام ده نظام بجد ممتـع جدا ومظهرش قبل كدا غير في لعبه Dark Age of Camelot ودي كانت من انتاج شركه mythic entertainment برضه .. وحاليا النظام ده لما اتعرف قيمته هينزل في Guild Wars 2 تقريبا ..

ال R Vs R ده عبارة عن حرب ضـاريه . Open War بتتيح للاعب انه يحس بالصـراع القائم بين قوي الشر ( The force of DesTruction ) و قـوي الخير ( The force of order ) وكل من القوتين ده بيندرج تحتيه العديد من الـ Races او الفصائل واللي بيكونوا اعداء لدودين لبعض في ارض المعركه .. والمميز اكثر واكثر ان كل Race بيندرج تحتيه Carrers مختلفه وده بيزود طعم التنوع والجمال في اللعبه .. اللعبه فكرتها ككل انها بتقسم الناس لطرفين , خير و شر . وده انا شايفه ممتع جدا زي ما هو موجود في Wow .. لان بكده في هدف قوي جدا وانت بتلعب ولما بتقتنع بالهدف ده مش بتقول لا يا عم ده هبل وتحوير .. بالعكس متعه فكرة الحرب بين ال order Vs DesT. هي انك بجد تحس من جواك أنك بتدافع عن ال Race بتاعك او ال Faction اللي بتنتمي ليه سواء Order او Dest. .. وانك لو شفت اي حد من الـ Faction التاني هتبقي عايز تجيبه من شعـرة ..

ال RvR ده حرب مفتوحه مش عبارة عن Arena Battle يعني مش خمسه ضد خمسه ولا عشرة ضد عشرة .. لا ده كل الشعب بتاع ال order بينزل يدعك في الشعب بتاع ال Destruction وصباح بقه الاستموات .. في بعض الافكار بتقول ان ال RVR ده حرب سيرفر ضد سيرفر بس ده للاسف غلط وهي حرب سيرفر كامل مقسوم نصين بيحاربوا بعض في أكتر من صورة مختلفه زي ال Scenarios + keep Siege + City siege وهنبقي نشوف تفاصيلهم بعدين في الموضوع.
اللعبه بتقدم برضه نظام حلو في ال PVE او ال player vs enviroment واللي بيعمل فيه ال quests في صورة puplic quests بمعني انك هتروح في مكان مثلا معين في ال map عشان تقضي ال quest بتاعك .. هتلاقي بارتيهات كتير قوي لناس في ليفلك او اقل منك او اعلي بيعملوا نفس الكويست بتشتركوا كلكم فيه.

وفعلا ده اللي اللعبه قدرت تقدمه
تالت حاجه اللعبه بتقدمها وهي اللعب المستمر في اكتشاف ال Tome of Knowledge ودي جزء كبير جدا في ال map مليان Bosses وال boss = Uniqe ومليان بلاوي زرقا بتاخد وقت رهيب عشان تكتشفه .. يعني مش لعبه بتخلص في شهر ونص وبح علي كدا ... ده غير ان اللعبه بتقدم حاجه اسمها Rewards و Abilities بتاخدها من اي حاجه انت بتعمله في اللعبه من غير ما تتوقع ... يعني بتعمل كويست عادي جدا ومثلا ادائك فيه كان كويس تلاقي فيه Reward جاتلك نادرة ومجتش لحد قبل كدا ...
اللعبه قالت بالنص في الوصف الرسمي للعبه : انها بتقدم لينا اكتشاف عالم ضخم جدا اسمه Tome of knowledge مش بتمشي فيه بدماغك زي Guild wars انت والmobs وبس .. لان ده انتم وبقيه الـFaction بتاعك .. ومن خلاله بتقدم قصتك او سيرتك الزاتيه في عالم War hammer والي بتقدر تقارن ادائك في ال PVE مع بقيه الناس .. وتشوفوا مين ادائه كان احسن .. مش عارف ازاي هيقدروا يقدموا الفكرة دي في اللعبه بس تقريبا هيبقي ليك زي Wall of achievment ليك في اللعبه بيقدر الناس يقروة او يطلعوا عليه
نضيف كمان ان في اللعبه هتقدر تزور وتعيش في المدن اللي بتخص ال Race ليك واللي لحد دلوقتي من كلام الناس اللي لعبت اللعبه .. بيحكوا عن جمال ال Living Cities و ال dark under-city
نظام جديد بتقدمه Warhammer وهو تحديث فكرة ال Guilds بأنها مبقتش مجرد اسم بيجمع ناس صحاب مع بعض .. لا ده في جزء خاص في اللعبه من خلاله بيكون في حرب مستمرة بين ال Guilds في الاستيلاء علي مدن ال Guilds التانيه والحصول علي Benefits من انك بتعلي ليفل الجيلد بتاعتك بانك بتاخد Tactis جديده للجيلد بتاعتك بتنعك في الحروب ضد ال Guilds التانيه ...