مراجعة لعبة Digimon Masters Online

لعبة Digimon Masters Online

ان لعبة Digimon Masters Online(أبطال الديجيتال أونلاين) هي لعبة جماعية أونلاين قادمة وتتميز بالسلسلة الكرتونية الشعبية "أبطال الديجيتال" والصراع يظهر بين عالم الديجيتال والعالم الواقعي من جديد في اللعبة ، أكثر من 3،000 شخصية ثلاثية الأبعاد من سلسلة كرتونية واللعبة أيضا تقدم جرافيكسا رائعا ومكافحة متوازنة تطلب من لاعبا بالتفكير السريع والتفاعل الأحسن.

قصة لعبة Digimon Masters Online:
اللعبة دى مقتبسة من مسلسل Digimon الشهير , أو الأسم العربى اللى اختاروه وقت ما ترجموا السلسل أبطال الديجيتال ,مش عارف ماسمهوش ديجيمون على اسمه وخلاص ليه , ما علينا , المهم لعبة الاونلاين دى مقتبسة من الموسم الخامس من المسلسل و اسمه Digimon Savers , فقصة اللعبة أنك بتبدأ بواحد من أربع أولاد ( 3 ولاد و بنت عشان اكون دقيق ) , بتختار منهم واحد وبعد ما تختار واحد منهم ,حتختار ديجيمون من أربعة تبدأ بيه و حيكون ده الديجيمون الأساسى اللى حتبدأ بيه و حيكون مرافقك الدائم , يعنى مش حينفع تمسحة زى باقى الديجيمونات اللى حتضمهالك بعد كده , و دوول ما ينفعش تضمهم ليك فى اللعبة , يعنى اللى حتختارة من الاربعة ده بس اللى حيكون معاك , و مش حينفع تضم اى واحد ليك من الثلاثة بعد كده فى اللعبة ,بعد ما تختار بتبدأ اللعبة فى العالم الحقيقى و بتدبأ تعمل مهمات لمنظمة اسمها DATS عشان تبقى عضو فيها , و المنظمة دى معمولة عشان تواجه اى اختراقات للديجيمونات من عالم الديجيتال للعالم الحقيقى , المهم بعد ما تعمل المهمات الاساية و تنضم للمنظمة , حيكون عندك القدرة انك تروح العالم الرقمى مع المرافق بتاعك و هنا بقى بتبدأ متعة اللعبة بجد

لعبة Digimon Masters Online

فكرة لعبة Digimon Masters Online:
اللعبة فكرتها انك تنضم لمنظمة DATS و تبدأ تواجه المخاطر اللى بيتعرضلها العالم الحقيقى بسبب الانتهاكات اللى بتحصل فى عالم الديجيتال , و اساسا اللعبة انك تجمع الديجيمونات و تلفلها و طبعا كل ديجيمون له أكثر من تطور حشرحهم بعدين , بالنسبة للفل , فأعلى لفل بالنسبة لل Tamer هو 99 , و بالنسبة للديجيمون 90 , و أنواع الديجيمون كتير و عددهم كبير دلوقتى فى اللعبة و بيزيد كل فترة , حاليا اعتقد فيه حاليا فى حدود 60-70 ديجيمون أو اكثر ممكن تضمهم ليك و طبعا كل ديجيمون له تطوراته و سكيلاته و قوته اللى بتختلف عن باقى الديجيمونات

لعبة Digimon Masters Online

كيفية اللعب Digimon Masters Online:
بالرغم ان طريقة اللعب هى طريقة لعب الاونلاين التقليدية من حيث استخدام الماوس فى الحركة , و اختيار الوحوش , و استخدام الأزرا من 1-8 و من F1-F8 , الا ان اللى بيميز اللعبة دى عن غيرها انك بتلعب بانسان و ديجيمون فى نفس الوقت , لكن اللى بيحارب فقط هو الديجيمون و انت بتديلوا أوامر الهجوم , و الانسان بيلقب بالمروض أو Tamer , و اللى بيميزها كمان أن التلفيل مستقل , يعنى ال Tamer بيلفل لوحدة و الديجيمون بيلفل لوحده و طبعا تلفيل ال Tamer هو الاصعب و بياخد وقت كبير جدا , لأكن تلفيل الديجيمون وقته معقول

للمزيد من المعومات يمكنك زيارة موقع لعبة Digimon Masters Online هنا

http://www.joymax.com/dmo/

Game advertisements by Game Advertising Online require iframes.