- البداية
- > أخبار الألعاب
- > تجربتي مع لعبة تيرآ أونلاين Tera Online
تجربتي مع لعبة تيرآ أونلاين Tera Online
لعبة Tera Online(تيرآ أونلاين) هي لعبة MMORPG(لعبة تقمّص الأدوار كثيفة اللاعبين على الإنترنت) من تطوير فريق Bluehole Studio الكوري. قبل ما أدخل في الموضوع حاب أوضح أنه هذه ليست مرآجعه كآملة لأنه من الظلم مرآجعة لعبة قبل الإصدآر الرسمي.
●●● الشخصيآت(شخصية Popori و Elin): الشخصيات بلعبة تيرآ(Tera Online) قريبة من الشخصيات في أي لعبة MMO لكن ما يميزها هو الرسوم وإضافة لأربع شخصيات فريدة من نوعها وهم”Popori” و “Elin” و “Aman” و “Baraka”. أما الباقي فهم شبيهين بشخصيآت ثانية شفنآها بألعاب mmo قبل كذا مثل الـ “High Elf”. بالنسبة لإعداد الشخصيآت فالخيآرات متاحة لكن أستغربت قلة الألوان والخيارات المتاحة لشعر الوجه. تقدر تتحكم بتفاصيل الوجه من حيث تكبير وتصغير العيون أو الفم وغيرها, لكن ما تقدر تتحكم بطول الشخصية أو عرضها.
●●● طريقة اللعب والتحكم: طريقة اللعب بـ Tera Online مشابهة لألعاب الـ MMO تبدأ بشخصية وتطلع تقآتل, تسوي مهمآت و تطور من مستوآك وقد تختلف عن الألعاب الثانية ببعض المميزآت الرائعة اللي ماهي متآحة بمرحلة البيتآ حالياً, لكن الشي المميز باللعبة هذي هو نظام القتآل وراح اتكلم عنه بفقرة ثانية. بالنسبة للتحكم فريق تطوير اللعبة أستخدم حركة جديدة لتحريك المآوس إذا كنت تبي تحدد شخص أو “NPC” وهي أنك تضغط على زر “ALT” أو “ESC” قبل ما تقدر تأشر على شخص معين عشان تنفتحلك الخيآرآت. الطريقة هذي قد تبدوا مزعجة شوي في البدآية لكن راح تتعود عليها, بالنسبة لي أفضل الطريقة القديمة لأن بعض الأحيآن تكون مستعجل وتبي تحرك الماوس وتحدد على طول.
في شيء أزعجني كثير بالتحكم وهو تحريك الكآميرآ, الكآميرا تتحرك إذا حركت المآوس, عكس الألعاب الثانية إذا كنت تبي تحرك الكاميرا تضغط زر المآوس الميين وتلف المآوس. الحركة هذي مزعجة لأن إذا تبي تحرك الكآميرا شخصيتك راح تلف معاك وما راح تقدر تاخذ راحتك تطالع اللي حولك.
شي آخر مزعج وهو أن بعض المنآطق محدودة وماعندك الحرية تروحلهآ عكس بعض الألعاب اللي تسمحلك تروح أي منطقة بالعالم حتى لو كآن شلآل ممكن تطيح منه وتموت لكن تحس أن العآلم مفتوح لك وتقدر تسوي اللي تبي بكل أريحية. بلعبة تيرآ ما هي بهذاك السوء يمكن مناطق قليلة اللي محدودة لكن في بعض الأحيآن إذا كنت بتنقز من جبل تتعلق بين الحجر وما تقدر تتحرك لمدة قصيرة, كأنه اللاعب حقك علق و أتوقع عشآن كذا أضافوا خيآر “Unstuck”.
●●● نظام القتال والوحوش: نجي للنقطة المميزة بهذي اللعبة, نظآم القتآل بتيرآ أقدر أقول أنه أفضل نظام قتآل جربته بلعبة mmo. اللاعب له الأريحية أنه يتحرك ويلف حول الخصم ويتفادى الضربآت بشكل رآئع. مهآرآت الشخصيات أيضاً رائعة والأنميشن فيها يخليك تحس بالإثآره, أنا لعبة بكلاس الـ “Archer” وماعمري أستمعت بهالكلآس بلعبة غير تيرآ لأن عندي حرية التحرك والرجوع للخلف إذا قرب مني الخصم.
لاحظت أن تصميم الوحوش يكون على شكل قطيع, يعني يكونون بمجموعآت تتكون من 5 وحوش أو أكثر وأغلبهم صغآر وضيعيفين ووحش وآحد يكون شكله مميز وأقوآهم. طريقة حلوة ولو كنت تلعب بكلآس يقآتل من قريب مثل الـ “Berserker” أو الـ “Slayer” راح تستمتع وأنت تطيرهم بعيد. وفي مهآرآت بعد عند الـ “Archer” تخيلك تحدد عدد من الوحوش وتطلق عليهم مثلاً 5 أسهم بوقت وآحد, والآنميشن فيها جداً رآئع.
متأكد من أن لعبة تيرآ أونلاين راح تكون مميزة وبتشد الكثير من محبين هذا النوع من الألعاب. أتمنى حقيقة أن شركآت التطوير الثانية تحآول تطبق نظام القتآل اللي بلعبة تيرآ لأنه جداً ممتع وفيه تحكم أكثر من اللآعب أفضل من نظام القتآل الأوتومآتيكي اللي بعض الأحيآن ما يتطلب أي مهآرة أبداً غير انك تضغط زر أو زرين وتنهي المعركة.
